Banorët: “Një pjesë e Çmimit të Madh për transplantin e Eldorës”

Shpendi dhe Eldora fillojnë të flasin sërish për sëmundjen e Talasemisë, të cilën Eldora e vuan prej shumë vitesh. Shpendi i premton se do të dhurojë rregullisht gjak për të, ndërsa Eldora i tregon se gjithë këtë nismë e ka ndërmarrë për shumë fëmijë të cilët mbartin këtë sëmundje dhe jo për veten. Ajo thotë se ka shumë një numër shumë të madh njerëzish që vuajnë dhe nuk kanë as mundësitë më të vogla për transportin deri në Tiranë, ndërsa për veten tregon se i ka pasur gjithmonë mundësitë. “Unë të gjithë atë iniciativë që propozova ta ndërmerrnim e kisha për këtë qëllim”, i thotë Shpendi. Ata tregojnë se nëse fitojnë çmimin e madh, një pjesë të mirë të lekëve do ta përdorte për një qëllim të tillë.
Ndërsa Eldora tregon, Shpendi e përqafon dhe e inkurajon për kurajën.

Shpendi i propozon edhe Anaidit që ta vënë në punë atë iniciativën humanitare për të cilën kanë folur, për dikë tjetër si Eldora që mund të ketë nevojë urgjente për ndihmë. Anaidi është shumë dakord dhe i kërkon që këtë ide t’ia shprehin edhe Vëllait të Madh.

Anaidi e pyet se sa mund të kushtojë transplanti, në mënyrë që të mos ketë më nevojë për të marrë gjak, ndërkohë që në këtë diskutim hyjnë edhe të gjithë banorët e tjerë. Ajo tregon se nëse arrin të bëjë transplantin e palcës së kurrizit, ajo nuk ka më nevojë të marrë gjak, por ky transplant kushton rreth 100 mijë euro dhe është shumë e vështirë.
Të gjithë banorët bisedojnë, ndërsa Anaidi ka shumë shpresa që të mblidhen të gjithë e të arrijnë t’ia bëjnë këtë transplant Eldorës.

Më pas ajo flet edhe me Elonën dhe Riken rreth sëmundjes së saj, për të cilën thotë se ia ka vështirësuar shumë jetën.