Ami Ne Muajin E 7-Të: Po Kaloj Një Shtatzani Të Lumtur

nga **♛Melody♛** Sun Jun 23, 2013 1:52 am

Ami - (Amarda Toska) qysh prej kohës që ka mësuar se është shtatzënë ka preferuar të qëndrojë larg vëmendjes mediatike.Dalje të pakta në faqet e shtypit rozë, për të mos thënë aspak gjatë këtyre muajve të fundit. Prezantuesja e njohur ka preferuar ta kalojë e qetë këtë fazë të rëndësishme të jetës së saj. Ami tashmë është plot shtatë muajshe shtatzënë dhe në festën e 2 vjetorit të revistës Harmony është shfaqur më e lumtur se kurrë
Madje në ato dy fjalë që kemi shkëmbyer me bukuroshen e ekranit kemi mësuar se gjithçka deri tani ka shkuar normalisht dhe qetë.Ami nuk e ka fshehur që është e lumtur dhe këtë e ka ndarë edhe me mikeshat që e kanë kaluar këtë eksperiencë si Jonida Maliqi etj
Çifti i njohur Ami dhe Ermali, prej kohësh kanë dëshiruar të jenë prindër të një fëmije dhe në këtë moment të dy ndihen të bekuar nga zoti me dhuratën më të bukur.
Lajmi konfirmohet për “Bluetooth” edhe nga një burim i afërt me çiftin e yjeve të showbiz-it. Ky fëmijë vjen si një dhuratë e çmuar për dy të dashuruarit, të cilët kanë hyrë në vitin e tretë të martesës… Siç thuhet nga burimi, Ami dhe Ermali janë shumë supersticiozë dhe nuk kanë dashur që ta ndajnë me shumë njerëz këtë lajm të gëzueshëm. “Janë të dy shumë të lumtur. Gati sa s’fluturojnë”, thotë burimi për “Bluetooth”.